前排凍到死,真的想食都唔敢食,因為食咗會覺得仲凍ma.雖然話可以整d熱食0既沙律,但我都係鍾意食冷沙律多一d.最近天氣回暖,又加上唔洗為honey準備今天午餐的便當,於是琴晚便整咗一盤疼吓自己囉 :)
呢個沙律對我來講都幾新鮮,我未試過自己調出沙律油的,我比較懶ma~以前整嘅都係用乳酪當沙律醬嘅,不過看到有dressing嘅食譜好似好易調較咁,咪試下,結果真係okay呀!
材料(你可捒你愛嘅材料同分量):
生菜(其實我想要spinach架,但honey唔食,唯有改改啦) 番茄 黃色燈籠椒(yellow chili pepper) chick peas(好似叫鷹咀豆) 合桃 提子乾 芝士碎
沙律油材料:
1/4杯 新鮮檸檬汁 1/3杯 橄欖油(我用芥花子油) 2湯匙白糖 1/2茶匙鹽 1/4茶匙黑胡椒 檸檬青少許
1)先將主材料切絲/切小粒,如果買罐頭裝chick peas要先出水呀...這樣不怕吃了防腐劑ma~ 如果怕生澀味,可將chili peper用熱水滾一滾就可以啦.
2)將主材料放入碗內,再將另外混合好的沙律油倒入和拌勻即成.
幾健康的一個沙律,久唔久食下清腸胃都幾好架!
文章
沒有留言:
發佈留言