我的麵包日記

 

其實我整麵包嘅經驗唔多,而且每次整都唔係咁理想,到而家都未能掌握到.

因此都係整啲淨包試多幾次先.呢個係甜麵包黎,外表睇落好似好硬嘅法包樣咁,其實佢幾軟熟架,比起之前整有個豬仔樣包嘅叫做好咗好多架喇~

似有啲似喺街買返黎嘅,好希望下次整得更好啦!

 

先記底食譜等下次參考返.

 

材料:

3杯麵粉 (分2 1/2杯同1/2杯)               可可粉1湯匙               肉桂粉1湯匙            salted butter3/4杯(已溶)            1/2杯白砂糖          1/4杯暖水      vanilla extract1茶匙    奶1/2杯        1隻蛋(打散)         2 1/4茶匙乾酵母

做法:

1.準備一個大碗,將乾酵母混入暖水,待15分鐘.之后將牛奶用微波爐叮至暖(110'f),連糖+vanilla extract +蛋一齊放入碗內攪勻.

2.用另一個碗混合2 1/2杯麵粉+可可粉+肉桂粉

3.將混合物(2)濾入混合物(1),之后揉麵糰至光滑起筋,並逐少放入剩下嘅1/2杯麵粉,逐少逐少加入牛油拌勻,剩少少牛油塗落(4)嘅保鮮紙上.

4.準備一張保鮮紙,在上面噴些油同水,之后包住麵糰,放在室溫85'f嘅地方發酵1小時或至麵糰變成2倍.

5.ok后取出再揉幾下掛氣,將麵糰分6份,蓋上保鮮紙待10分鐘.

6.將麵糰造型收口,放在噴了油嘅焗盤上,蓋上保鮮紙,待最后發酵1小時.

7.用190'C焗20分鐘.出焗后放架上待涼.