下午茶之選~泡芙泡芙

下午茶最佳之選~我緊係揀泡芙,外面脆脆的,內裡creamy嘅朱古力醬,再配埋杯茶或coffee...mm哈哈...係唔係引到你呢?呵呵...俾你望梅止和渴先啦!一陣下午茶時段去食返個啦~呵呵...

原來泡芙好容易整...唔...我應該話步驟簡單,不過要整得好都仲有啲難度咁啦...哈哈....屋企有個焗爐真係好正啊!焗咪野都可以,又方便.

 

記錄返食譜先.

材料: 水 120ml     牛油 80g       鹽 1/4茶匙       高筋麵粉(我用嘅都係之前買嘅普通麵粉) 1 杯     蛋 3隻(打散)    朱古力適量

1.將水,牛油,鹽一齊放入鍋以小火煮滾,煮到牛油全部融晒.

2.將麵粉倒入鍋裡面,攪拌均勻后成麵糰,之后熄火.

3.當麵糰降溫不太熱時,就可以加入蛋汁攪拌並拌勻.

4.預熱焗爐至210'c,0係焗盤上鋪張烤焗紙.用湯匙舀一大匙並整一個約3cm直徑嘅圓球.

5.之后可以放入焗爐焗20-25分鐘,見轉咗色后熄爐用餘溫焗多5分鐘.

6. 隔水煮溶朱古力,用唧花管唧朱古力入泡芙度至滿.

7.放涼或雪凍,等朱古力凝結后即可以食.