食魚篇~1

唔知點解呢排好想食魚所以就即刻整...呢個係酸酸0地0既汁配魚塊,幾開胃0架呢個時候食就岩啦~

食譜如下:

材料: 魚柳 1條切件    蘑菇4-5頂切片   檸檬汁(半個的份量)    糖 2茶匙   鹽少許  白酒1湯匙   白醋 1 茶匙      生粉 適量        蒜茸 適量

做法:1)先將魚柳洒點鹽醃15分鐘,之後洗乾淨用廚房紙吸乾水份,"泊"一層薄生粉0係魚身(避免煎果時"痴"鑊), 之後燒紅鑊落油,煎魚塊至熟,盛起吸油備用.

        2)再落油爆香蒜茸,落蘑菇片炒到變色,再落檸檬汁,糖,鹽,白酒,白醋, 兜均至滚再落生粉芡(即將生粉拌少許水攪均),再炒至少少杰身落魚塊兜均便可上碟.