麻婆豆腐

係post之前即刻check下有冇post過呢個餸,因為係我印象中好似煮過呢個餸,后來發覺我係未煮過.

我好鍾意食豆腐嘅餸菜,不過就唔係好敢煮,我試過係香港時煮咗碟酸嘅豆腐出黎,所以今次算係再接再厲,又找到食譜,於是....就ok咗喇.

不過因為honey唔食得辣,所以我稍為調低咗個辣味,可是我都覺得辣咗少少.(咁我0係食譜上的份量已調整過)

食譜如下:

 

材料: 豆腐2磚    蒜茸1茶匙    薑3片    牛肉碎100g   豆瓣醬1 1/4茶匙   麻油1茶匙

        醃料(a):   鹽,糖,胡椒粉,生抽,老抽各少許

        調味料(b):  鹽1茶匙  糖2茶匙    生抽1茶匙   老抽2茶匙   紹興酒1茶匙  雞湯半杯

        芡: 生粉1茶匙   水1湯匙

 

做法: 1.將(a)料混入牛肉碎醃20分鐘,備用.

        2. 豆腐清洗一下,用廚房紙吸乾水份,隔水蒸10分鐘(水滾后計),熟后去碟裡嘅水,取出切細粒,備用

        3.燒紅鍋下油,炒熟牛肉碎,推至鍋嘅一邊,.再落蒜茸薑片爆香,炒勻后放豆腐粒,(b)料淋上面并煮至滾.

       4.落豆瓣醬炒勻,再落芡料,煮至杰身再加麻油炒勻后可上碟.