黑椒煮冬瓜魚片

琴晚買咗一片大冬瓜,如果淨用黎煲湯就太多啦,於是我就用咗一啲黎煮呢碟有少少辣嘅菜.

 

材料:

洋蔥半個    魚片半條    冬瓜小半個     黑椒1茶匙    蒜茸2茶匙   鹽少許   雞湯半杯   水1杯    生粉水(1茶匙生粉+1湯匙水)

 

做法:

1.冬瓜去皮切大粒,魚片切片,洋蔥切絲.用雞湯加水煮滾后放冬瓜煮10分鐘盛起浸凍水備用,煮冬瓜嘅湯留下備用.

2.燒鑊落油,爆香蒜茸和洋蔥,落黑椒炒至軟,落魚片炒熟,再落鹽,

3.加冬瓜粒+剩下嘅雞湯,煮至滾落生粉水埋茨收汁就可以上碟架喇~

 

enjoy!